TACLOBAN CITY – Ginpahuruhukalan na han Ormoc City Government an ira border control points para han tanan nga mga taga-Sinirangan Bisayas nga masulod ha ira syduad.
Sumala kan John Kevin Pilapil, han Ormoc LGU Media and Information Office, nagpagawas na hin Executive Order hi Mayor Richard Gomez nga nagtatanggal han mga resikitos ngan damo nga dokumento nga kinahanglan nga maisumiter han usa nga indibidwal san-o nga makasulod ha Ormoc.
Pinaagi han mao nga EO, tanan han mga residente ha rehiyon in pwede na nga makasulod ha Ormoc kun diin kinahanglan la han mga ini hin QR code ngan magpa-body temperature check pag-abot ha border han syudad.
Lakip gihapon hini an tanan han mga LSI ngan returning OFWs nga dire na kinahanglan nga magpailarom ha quarantine, swab test ngan travel pass.
Samtang, kun makitaan naman hin sintomas an usa nga indibidwal in kinahanglan ini nga igpailarom ha mandatory quarantine.
Ginpahayag gihapon hini nga pwede nga kumuha hin QR code an hin-o man nga karuyag nga makasulod ha Ormoc pinaagi han pagbisita ha www.safeormoc.com.
