TACLOBAN CITY– Ginpaangbit hiton mga drivers han TAMADOTCO, nga ha pagkayana, na-aakus pa nira iton umento han gasolina ha butnga hiton padayon nga natatabo nga tensyon ha Middel East.
Sumala kan Leo Templado,BOD/ Vice Chairman, TAMADOTCO, ha kaluyo hiton paghitaas han presyo hiton lana, nakaka-bawi-bawi hira matungod nga nagtikang na an klase, dunganan pa hiton kapatrunan han syudad.
Dugang pa hine, naiintindihan nira an paghitaas han presyo han petrolyo, ngan ine in may mabug-at nga rason.
Ginmalatumat pa hine, nga kun susumahon dire la ine an syahan nga higayon nga naka-abat hira hiton pag-umento han produktong petrolyo, sanglit dire na hira nahihipausa ngan nahihikalasan ha mga posibilidad nga magpatuman hin umento an mga kompaniya hiton lana.
Ginpahibaro gihapon hine, nga ha pagkayana mayda mga sarakyan nga nanbibiyahe alas 3 ngan alas 5 hiton kulop, agud nga makaghatag hin serbisyo ha mga commuters nga napakadto ha Sangyawan grounds.
