TACLOBAN CITY- Nagpapabilin nga garbo ha probinsya han Biliran an pagiging top 10 ha Certified Public Account nga pinakaurhi nga guinpagawas han Professional Regulation Commission (PRC).
Mababaruan nga hi Marcia Pilapil Butastas in nahimutang ha ika-10 nga pwesto ha mao nga examination kun diin
nakakuha ini hin rating nga 89.33 percent.
Hi Butasatas in may pangidaron nga 21 anyos ngan nag gradwar ha Tabunan National High School ha Almeria , Biliran dida han tuig 2012.
Nag gradwar guihapon ini nga Magna Cum Laude ha University of San Carlos, Cebu City ngan nakahuman ha degree
nga Bachelor of Science in Accountancy.
Una hini guinmalatumat ni Butastas nga waray ini magtuo nga mahilakip hiya ha top 10, lugod nag-aghat ini ha mga
ma-take hin exam nga tumapod ha Labaw nga Makagarahum ngan sugad man ha kalugaringon.
Diri pala maiha nga guinpagawas han PRC nga 4,511 an pumasar gawas han 14,816 nga nagtake han examination na guinhatag han Board of Accountancy ha mga syudad han Manila, Baguio, Cagayan de Oro, Cebu, Davao, Iloilo, Legazpi, Lucena, Tacloban ngan Tuguegarao dida han nakalabay nga bulan han Oktubre.
