TACLOBAN CITY – Mahuman an pag-umento han presyo han lana, pira nga mga multicab drivers han Tacloban-Marasbaras an nakaabat hin pagkalugi.
Manunumduman nga dida han nakalabay nga semana in nagpatuman an gobyerno hin dugang-pasahe ha mga Public Utility Vehicles (PUVs), pero duha pira la kaadlaw in ginpasuspendi ini ni Presidente Ferdinand Marcos Jr., kun diin dismayado an mga driverss ha waray nga kamanduhan.
Sumala kan Tacloban-Marasbaras Multicab Driver/Operator, Danilo Medailla, tikang han pag-umento han presyo han lana in damo ha ira an nakurian nga maka-boundary mahitungod nga pirahay nala an ira nahahalin.
Kaurugan han ira halin in nahihingadto nala ha pan-gasolina, labot pa hini, problema gihapon han mga drivers an mahal nga presyo han mga papliton.
Ginmalatumat gihapon ni Medailla nga waray nakakarawat nga bulig tikang ha gobyerno o bisan panlista naman la.
Gin pahayag pa hini nga kun papabay-an hira han gobyerno in posible hira maghimo hin undang-pasada.
Nanawagan naman an mga driver ha gobyerno nga magin seryoso haira pagbulig ha mga PUV drivers mahitungod nga dako an epekto hini ha ira pakabuhi.
