TACLOBAN CITY – Mas ginpadig-on pa an commitment han siyudad hiton Tacloban kasumpay ha paghatag hin prayoridad ha mental health ha mga molupyo pinaagi han mga inisyatibo ngan programa kaupod iton mga concerned agencies.
Sumala kan Tacloban City Health Officer-In-Charge, Dra. Gloria Fabrigas nga panuyuan han mga mao nga programa sugad na la hiton PROTECT program (PEER Reaching Out to Empower Children and Youth of Tacloban) in agud solusyonan an nagtitikahitaas nga ayat ha mental health nga kadam-an in na-e-eksperyensiya han mga kabataan pinaagi hiton paghatag hin suporta ngan mga serbisyo agud mabuligan an hira ginaakos nga mental health issues.
Ginpahayag han siyudad durante han pagserebrar han Mental Health Day, nga maspapahugton pa nira iton paghatag hiton bulig ngan serbisyo ha molupyo nga nakakaeksperyensiya hiton depresyon ngan iba pa nga mental health.
Kasumpay hini, aada naman ha 6 ka eskwelahan ha Tacloban nga ginkakadabihan han Leyte Normal University, Tacloban City Night High School, Leyte National Highschool, Marasbaras NHS, V&G NHS, ngan Cirilo Roy Montejo an nagpailarum hiton training seminar agud magin mental health advocates.
Ha usa nga pag-aram dida han 2021, nagawas nga aada ha 7.5% o 1.5 million nga mga Filipino youth nga may edad 15-24 an nagprubar nga mag-awat han ira kinabuhi. Nagawas gihapon nga aada naman ha 60% han mga nakakaeksperyensiya hiton depresyon an waray umaro hiton bulig.
