TACLOBAN CITY – Nagplaplano yana han City Government han Tacloban nga magkaada ngan magtindog hin IT Park nga puruparehos ha Metro Manila ngan ha Cebu City.
Sumala kan Tacloban City Konsehal Christopher Randy Esperas, nga nagbug-os na hira hin bago nga Tacloban ICT Council nga kun diin, iya ini ginpasabot nga ginkakalipay naman ni Tacloban City Mayor Alfred Romualdez.
Dugang pa ni Esperas nga mayda na nira mga nakaistorya nga mga investors para magtindog hin IT Clusters, IT Buildings ngan maghimo hin IT Park nga kun diin, posible daw nga igbutang ini ha 6 kilometers nga kahirayo tikang ha downtown area han syudad agud nga makaiban ha traffic congestion ngan makagdugang naman hin trabaho diri la ha syudad han Tacloban kundi pati gihapon ha bug-os nga rehiyon 8.
Natuo gihapon hi Esperas nga an syudad in mayda best recipe para hini mahitungod nga barato itun labor rate ngan electric rate dinhi ha syudad.
“I think Tacloban City has probably the best recipe if we may say in order to put up a IT Park. First, we have the cheapest labor rate probably in the Philippines, definitely we’re cheaper from Manila and even Cebu, Bacolod, Iloilo.” yakan ni Konsehal Christopher Randy Esperas durante han Opening Ceremony han ICT Month.
Naglalaum naman an Konsehal nga magkakaada hin maupay nga internet connectivity in labi na nga mayda na upat nga internet providers ha Tacloban.
“Second, we have also have a cheapest electricity rate thanks to our LEYECO II.” dugang pa ni Esperas.
