DULAG, LEYTE – Gintagan-duon ni Reymar Alicando, SK Chairman han Brgy. Victory, Dulag, Leyte an pira nga obligasyon han usa nga membro o opisyal han Sanggunian Kabataan.
Sumala kan Alicando, obligasyon han usa nga opisyal han SK nga magserbisyo ngan magrepresentar han kabataan ha ira nasasakupan, magplano ngan magpatuman hin mga programa nga igkakaupay han kabataan, kun diin ginpananglitan hini an edukasyon, sports, ngan pag-atiman han kalibungan.
Dugang pa hini, obligasyon han SK nga magpatuman hin mga aktibidad nga makakabulig ha pag-uswag dire la ha mga kabataan, kundi ha bug-os nga kumunidad.
Gintagan-duon gihapon ni Alicando an importansya han pamamati ha mga problema nga ginpapadangat han mga kabataan ngan paghahatag hin solusyon ha mga ini.
Sugadman in magin maupay nga ehemplo ha mga nasasakupan.
