TACLOBAN CITY: Nagpahinumdom an buhatan hiton Tacloban City Health Office, ha epekto hiton paninigarilyo ha publiko, partikular na adton mga nagamit hiton sigarilyo nga hinay-hinay na an mga ine nga ig-undang an paggamit han sigarilyo, matungod nga dako an nagigin epekto hine ha publiko.
Sumala Dr. Gloria Fabrigas, Head Tacloban City Health Office, nga dire nakaka-upay an sigarilyo ha panlawas han usa nga indibidwal, sugadman para gihapon hadton mga 2nd hand smoking.
Ine gihapon an gintitikangan han iba nga sakit, kun diin nakaka-apekto hine bisan ha mga babies.
Ginmalatumat naman hine, nga bawal gihapon adton pagbaligya hin sigarilyo ha mga minor de-edad.
Dugang pa ni Fabrigas, kun susumahon bawal adton mga pag-advertise ngan pag-butang hin poster ha mga tindahan, ngan ha mga dagko nga tarpaulin nga nagpaka balandra, nga nakikit-an hiton publiko.
