Tacloban City – Nananawagan an Tacloban City Health Office ha publiko nga abrehan an purtahan han ira mga panimalay kun mabisita an mao nga grupo ha mga barangay mahitungod nga kinahanglanon kumuha han mga ini hin datos kabahin han immunization vaccination han syudad.
Sumala kan Dr. Jaime Opinion, Medical Doctor Officer han Tacloban City Health Office, mayda mga mulupyo nga intensyonal an pagsasara han ira mga purtahan kun nakakakita ha ira.
Samtang, padayon naman nga nagpapahinumdom an mao nga buhatan ha mga kag-anak nga pabakunahan na an ira mga anak mahitungod nga makakabulig ini pag protehar ha kalawasan. Panuyuan han mao nga pitad nga buligan an mga kabataan na matagan hin maupay nga pananggalang kuntra ha mga sakit nga puydi makuha.
Ha kaluyo hini, waray naman may naitala nga kaso hin measles o tigdas ha syudad han Tacloban yana nga tuig.
