TACLOBAN CITY– Maabot ha 367 nga mga vendors an naisyuhan na han stalls clearances han Tacloban City Agriculture Office para han mga nagbabaligya ha merkado publiko hiton syudad.
Sumala kan Tacloban City Agriculture Office Head, Romelo Anade, nga an nasabi nga ihap in waray pa magkatunga ha mga nagbabaligya nga vendors ha merkado.
Dugang pa ni Anade, ha iya pagbana-bana maabot ha sobra usa kayukot an mga namamagbaligya ngan an naisyuhan in waray pa magkatunga.
Gin-aaghat naman hine an mga namamagbaligya ha merkado publiko nga kinahanglan nira kumuha hin stalls certificate, ngan masimenar an mga ine ha sakto nga pagpatuman han price tagging, magin adton sakto nga paglabog hiton basura.
Ginatagan duo ni Anade, nga pananglitan dire hira makalukat, ha nakatalaan nga panahon magkakamayda an mga ine hin penalidad ha pagrenew han ira permit.
