TACLOBAN CITY – Ginkakalipay han City Government han Tacloban nga usa an syudad ha mga nakapasar han mga aludayday han Department of Interior and Local Government (DILG) para ha Seal of Good Financial Housekeeping.
Sumala kan Johannes Dorado, head han Tacloban City DILG, an pakapasar han syudad ha Good Financial Housekeeping in nagpapamatuod han maupay nga pagdumara han city government han financial nga aspeto han syudad.
Ini gihapon in pagpapakita han malimpyo ngan tangkod nga pag-gastos o pag audit han syudad han mga pampubliko nga mga pondo.
Pira naman ha mga bentahe para ha syudad ha pakapasar hini ha mao nga kategorya in magkakaada an Tacloban LGU hin loan windows o eligibility para ha loans ngan sugadman para gihapon ha performance based bonus han mga empleyado han city government.
Nahibaruan nga labot la han Tacloban, kalakip gihapon an mga syudad han Baybay ngan Ormoc ha mga nakapasar han mao nga Good Financial Housekeeping.
