TACLOBAN CITY – Ginpasakahan na hin kaso an suspek nga nanlugos han usa nga 44 anyos nga babayi na Locally stranded individual (LSI) ha usa nga quarantine facility.
Sumala kan Teddy Vapor, Municipal Administrator Villaba, Leyte, kaso nga rape with intimidation an ginpasaka han suspek nga hi Ronie Condes, usa nga care taker han mao nga quarantine facility.
Nabaruan nga gintarhog anay han mao nga suspek nga papatayun hini an anak han biktima amo nga nakakuha ini hin higayon nga malugos maduha ka beses an biktima tungod han kahadlok. Depensa naman han gwardya nga mag uyab daw hira pero mahugot naman ini nga ginpanhimuwa han biktima.
Una na nga ginyakan ni Mayor Jorge Gorge Veloso nga diri niya kokonsetihon an mga sugad nga klase hin pan-aabuso sanglit nagmando ini igterminate an suspek kumo usa ini nga job order employee han munisipyo.
