TACLOBAN CITY – Padayon nga ginhahalpat han mga kapulisan an waray pa kakilala-i nga suspetsado hin hit-and run incident ha Barangay San Joaquin Capoocan Leyte.
An biktima ha mao nga insident in usa nga 6 anyos nga bata nga babaye ngan residente han nasabi nga lugar.
Sumala kan P/Maj. Delfin Dinky Boy Bardillon COP Capoocan Leyte MPS, nga subay ha ira gindumara nga imbestigasyon nga an mao nga single nga motor in biyahe pakadto ha Ormoc kun diin pag-abot hine ha nasabi nga barangay in aksidente hine nga nasagi an bata nga nakada han ligid han karsada nga nagin rason han dayon nga kamatayon hine.
Nakita gihapon ha CCTV footage nga an mao nga motor in waray plate number.
Ha pagkayana in padayon naman an ginbubuhat nga operasyon han mga kapulisan agud nga madakop an suspek ngan matagan hin hustisya an 6 anyos nga biktima.
