Gin sigurado han Civil Aviation Authority of the Philippines (CAAP) nga mayda supresyente nga suplay han lana an mga paluparan ha bug-os nga nasud in kaso man maka-eksperyensya hin pira nga power interruptions an mga ini ha butnga han ginkakaatubang han nasud kasumpay ha krisis ha lana.
Sumala kan CAAP Spokesperson Eric Apolonio, tagdanay la magamit an mga reserve fuel ha mga paluparan ngan nakaandam la ha oras nga magkamay-ada hin power failure ha mga suplay nga nakakarawat han mga ini tikang ha gawas.
Syahan hini in nag-anunsyo na hin ‘reducing of flights’ an pira nga mga paluparan yana nga Abril kutob Mayo mahitungod ha limitado nga ruta ngan hamubo nga ihap han mga pasaheros resulta han nagpapadayon nga kasamok ha Middle East.
Dugang pa ni Apolonio, ginlalauman an sugad nga sitwasyon labi na nga humitaas na ha 100% an fuel surcharge kun diin gintagan-duon gihapon han tagapagyakan an epekto hini ha kita han mga airlines.
Samtang, ha haros 44 commercially operated airports ha bug-os nga nasud nga ada ha ilarom han CAAP, gin sigurado hini nga ngatanan ini in mayda supresyente nga fuel supply ha kaluyo han krisis ha lana.
