Aminado hi Senate President Vicente Sotto III nga mayda problema ha amendments ha 2026 national budget, rason kun kay ano nadelatar an paglusot hine ha ikaduha nga pagbasa.
Ha pahayag, ginmalatumat ni Sotto nga nadelatar an pagpasa ha second reading mahitungod nga nakukurian hira kun patiunan-o ig akomodar an amyenda han kada senador.
Padayon la gihapon nga gin papanginano ni Senator Finance Committee Chairman Sherwin Gatchalian an iginpadara nga individual amendments.
Ginsigurado naman ni Sotto nga maipapasar na ha ikaduha nga pagbasa an 2026 budget, ngan maaprubahan naman ha ikatulo nga pagbasa ha Disyembre 9, subay ha igintalaan nga iskedyul.
Samtang, kumpyansa naman an presidente han Senado nga dire magkakamay-ada hin reenacted budget, mahitungod nga magin hi Presidente Ferdinand Marcos Jr. in balabag hine.
Dire daw tutugutan han Senado nga ma-reenact ha 2026 an 2025 national budget nga igin hulagway hine kumo “most corrupt budget.”
Sanglit hihimuon daw nira an ngatanan agud mapadagmit ine ngan agud ugsa mahuman an tuig in mapirmahan na han presidente an national budget.
