TACLOBAN CITY– Maabot ha 1,211 nga mga pamilya an naitala nga nagbakwit matungod han maraot nga panahon nga umigo han nakalabay nga semana ha rehiyon.
Sumala kan Teddy Vapor, Municipal Relations Officer Villaba Leyte, maabot ha 51 nga mga panimalay an naapektaran ha Villaba Leyte, mahuman nga umigo an magkasunod nga bagyo han nakalabay nga semana.
Ha mao nga ihap, 45 dinhe an nakaghipatik hin partially damage, samtang an 6 naman in nakaghipatik hin totally damage.
Dugang pa hine, nakaghipatik gihapon hira hiton pagbaha ngan pagkamayda hin high tide ha nasabi nga lugar.
Humagos naman hin 2-3 ka-oras ugsa nga humubas an tubig baha.
Nakaghipatik naman hira hin minor nga guba ha mga baluto nga gingagamit han pira nga mga parupangisda, ha nasabi nga lugar nga nadarahigan matungod han duha nga magkasunod nga bagyo nga umigo ha Sinirangan Bisayas.
