TACLOBAN CITY – Nakatalaan nga umabot ha Sinirangan Bisayas an masobra 3 mil nga doses han bakuna nga himo han kompaniya nga Sinovac han nasud China.
Sumala kan Jelyn Lopez, tagapagyakan han Department of Health (DOH- 8) nga ada ha 3,450 katawo an mabebenepisyuhan han pauna nga alokasyon.
Sumala pa kan Lopez nga una nga makakarawat hin alokasyon an mga pilot hospitals ha rehiyon sugad nala ha Eastern Visayas Regional Medical Center (EVRMC), Divine Word Hospital ngan Schistosomiasis ha Palo, Leyte.
Mahuman nga mai-deliver an bakuna ha mao nga buhatan, in dayun naman ini nga dadad-on ha storage facility ugsa nga maibalhin ha mao nga mga ospital.
Sumala pa kan Lopez, nga waray pa eksakto nga petsa ha delivery pero posible ini nga umabot ha weekend nga dayun naman nga igpapanhatag ha mga doktor ngan health workers ha mao nga mga hospital nga nage- edad 18 kutob 59-anyos.
