INTERNATIONAL – Nagpapabilin nga ginbibiling an sobra 160 katawo nga nawawara haros usa ka-semana na tikang han mandestruso an grabe nga mga pagbaha ha Texas, USA dida han Hulyo 4, nga pumatay ha maabot 109 ka-tawo.
Sumala kan Texas Governor Greg Abbott nga possible nga humitaas pa an ihap han mga nawawara kaupod han nagpapadayon nga panmiling ha mga ini.
Dugang pa hine nga ha Kerr County pala, mayda na sobra 160 ka-tawo an nawawara nga nahipatik han ira mga kasangkayan, kag-anak, ngan mga kakilala.
Ha nasabi nga county gihapon nga parte han central Texas region nga kilala kumo “flash flood alley” in an pinakaduro nga naapektaran han mga pagbaha nga nagbilin hin sobra 94 nga casualties, kaupod dinhi an 27 nga bata nga babaye ngan counselors nga aada ha usa nga Christian youth summer camp han bumulwak an Guadalupe River nga harani ha camp nga nagdara hin grabe nga pagbaha ha lugar.
Ha pagkayana padayon an ginhihimo nga search and rescue operation.
