TACLOBAN CITY – Nakakuha hin sertipikasyon tikang ha Department of Science and Technology an 11,334 nga mga magturutdo ha tikang ha pampubliko nga iskuylahan ha rehiyon para mag-opeate han mga Automated Counting Machines (ACMs) ha tiarabot nga piniliay.
Ine in sumala kan Department of Science and TechnologyAssistant Regional Director Marilyn Radam.
Dugang pa hine, an mga electoral boards in nag-agi hin training ngan eksaminasyon tikang ha COMELEC, DOST, ngan DICT.
Tikang ha 11,334 nga electoral boards, 4,514 han mga ine in tikang ha Leyte; 392 an tikang ha Biliran; 1,200 ha Southern Leyte; 2,348 ha Samar; 1,386 ha Eastern Samar; ngan 1,494 ha Northern Samar.
Ha mga lugar naman nga may problema ha kahimyangan, an mga voting precincts in babantayan han kapulisan. Magtutukod gihapon an DOST hin technical hub ha kada probinsya ha adlaw han eleksyon agud buligan an pagproseso ngan pagpadara han resulta. (via Bombo Shiela Encio)
