-- Advertisements --
TACLOBAN CITY – Gintipahan han pira nga mga drivers ngan operators ha syudad han Tacloban an nakatalan nga pag-operate han sobra 100 nga mga units hin Grab Taxi yana nga bulan hit Abril.
Sumala han usa nga driver-operator, maapektaran hini an dalagan han trapiko ha syudad labi na nga yana pala in nagkakaada na hin problema nga diri pagkakasarabot skema han trapiko ha Tacloban.
Dugang pa hini nga diri sugad kahiluag an kakarsadahan ha Tacloban ngan mas duro ini nga maghuhuot kun nag- ooperate an panibag-o nga klase hin pampasahero nga sarakyan.
Mahibabaruan nga ha pagkayana in waray pa ginpagawas nga impormasyon bahin han kun ano an susundon nga ruta han mao nga mga grab taxi.
