Nanawagan Samahang Industriya ng Agrikultura (SINAG) ha gobyerno nga dire igdayun plano nga pag-iiban han traipa ha imported nga baboy, mais, ngan manok mahitungod ha epekto hini ha lokal nga sektor han agrikultura.
Subay ha SINAG, an anuman nga pag-iban ha traupa in posible makaraot ha mga lokal nga parag-uma ngan magpahitaas pa han pagdepende han ansud ha imported nga pagkaon.
Pahimatngon pa han mga ini, posible ini magdurot hin mas hitaas nga presyo ngan mas malala nga food insecurity imbes nga makabulig ha merkado.
Igin punto gihapon hangrupo nga bisan dumamo an importasyon han karne in dire la gihapon ini otomatiko nga nagpapaubos han presyo ha lokal nga merkado.
Dugang pa han SINAG, dako an iginhitaas han importasyon han baboy ngan manok ha mga nakalabay nga tuig, pero nagpapabilin nga hitaas an retail prices kumpara ha farmgate prices.
Samtang, syahan nga nanawagan an Foundation for Economic Freedom (FEF) nga ibnana hin 5% an taripa ha imported nga mais agud mapaubos an presyo han karne, mahitungod nga dako nga parte han pagkaon han hayop in tikang ha mais.
Subay pa ha FEF, an hitaas nga taripa ha mais in nakakaapekto ha presyo han baboy ngan manok mahitungod nga umabot ha 50% ngada ha 70% an gastos han pagkaon para ha baboy ngan manok.
Kadungan hini, ginlalauman naman an pa-ubos han presyos han produkto nga petrolyo yana nga semana mahuman an pira kasemana nga paghitaas durot han kasamok ha Middle East.
Sugadman, subay ha Department of Energy, ginlalauman nga magkakamay-ada hin rollback han gasolina ngan desel ha maabot nga semana, kun diin ginbabana-bana nga maubos an presyo han diesel, gasolina, ngan kerosene subay ha kiwat han international oil market.
