Ginpahayag ni US Pres. Donald Trump nga ginhuman na han Estados Unidos an gyera ha Iran, mahuman ginduon nga nagkasarabot an duha nga parte ha usa nga “very strong memorandum of understanding” agud dayon ig-undang an kasamok.
Ginbuhat ni Trump an pahayag ha usa nga telerally para ha pagasuporta kan Georgia Lt. Governor Burt Jones, nga posible dumalagan kumo gobernador.
Sumala ha presidente han Amerika, pormal nga umabuyon an Iran nga dire na magkakamayda hin nuclear weapon, usa nga pangunahon nga kondisyon nga iya ginduon ngan amo an panuyo han operasyon.
An anunsyo in kasunod han pagkansela han US ha mga nakatalaan nga airstrike ha Iran dida ha aga han Biyernes. Tarihas naman ini han pahayag han Iran nga kun diin, ginduon hini nga waray pa pinal nga desisyon kasumpay ha bisan ano nga kasarabutan.
