Nakikig-sumpayan na an mga otoridad para ha insakto nga disposisyon han 650 metric tons han pula nga sibuyas tikang ha China nga nagkakantidad hin P86.7 milyon agud masigurado nga dire ini makakasulod ha merkado.
Sumala ha Department of Agriculture, may potensyal nga magdurot hin kadelekaduhan ha panlawas han mga konsyumer an nasabi nga sibuyas mahitungod ha pagkakamayda hin amag ngan sprouting han mga ini mahuman an pira ka-bulan nga pagkaka-istak.
Umulpot ha nasud an shipment dida ha butnga han December 2025 ngan January 2026, pero waray ini ginkuha han importer ha kaluyo han pagkakamayda hin import permits.
Samtang, nasabtan gihapon nga an abandonado nga shipment in mayda dire pa nababaydan nga customs duties ngan buwis nga maabot ha sobra P9.7 milyon.
