-- Advertisements --
Ginduon ni Vice Pres. Sara Duterte dida han Biyernes, Hunyo 12, nga waray hiya plano nga agawon an posisyon ni Pres. Ferdinand Marcos Jr. ngan magpapabilin hiya nakatutok ha iya responsibilidad ha ilarum han Konstitusyon.
Ginbaribaran ni Duterte an mga panawagan tikang ha pira nga grupo ngan mga retirado nga opisyal han militar nga manguna hiya ha usa nga gios-protesta parehas han People Power kontra ha presente nga administrasyon.
Gintagan-duon han bise presidente nga bisan ano nga pagbabag-o ha liderato han nasud in kinahanglan umagi ha mga legal ngan konstitusyonal nga proseso.
Ginpanhimuwa gihapon ni VP Sara an mga pahayag nga karuyag niya maagaw an posisyon kan Pres. Marcos ugsa mahuman an termino hini.
