Nagpagawas na hin pahayag hi Ateneo Blue Eagles head coach Tab Baldwin kasumpay han pagkamatay han duha nga Ateneo student-athletes nga hira Rene Baterbonia ngan Divine Adili.
Ha usa nga video nga ginpagawas han Ateneo de Manila University, umaro hin sorry hi Baldwin ha mga pamilya han duha nga atleta ngan gin-amin nga mabug-an an iya gindadara mahuman an trahedya.
Sumala hini, huna niya nga talwas ngan normal la an ginbuhat nga training run han team ha mababaw nga parte han dagat. Pero han dire maiha, in nasabtan niya nga aada na ha kadelekaduhan an pira nga mga players.
Ginamin ni Baldwin nga kumo coach, usa ha pinaka-importante nga responsibilidad niya an siguraduhon an katalwasan ngan katungod han iya mga players.
Padayon gihapon hiya nag-aampo para ha kahimyang ngan paghilom han mga namatyan nga pamilya.
