TACLOBAN CITY – Gintagan hin duon han Archdiocese of Palo nga dire konektado ha simbahan adton mga nagsusudoy ngan nagsosolicit nga grupo daw ha syudad han Tacloban.
Una hini, may mga ginpadangat nga impormasyon ha buhatan han Archdiocese of Palo nga daw may ada nagsusudoy-sudoy nga mga indibidwal ha Tacloban nga nagsosolicit hin kwarta.
Sumala kan Fr. Chris Arthur Militante, Social Media Coordinator han Archdiocese of Palo, waray ginpalusad nga sugo adton ira archdiocese ha ira mga parokya nga magsolicit ha mga katawhan.
An grupo daw nga gin ngangaranan hin “Filipino Catholic Incorporated ” nga nagsusudoy ha syudad para magsolicit in daw waray koneksyon ha simbahan.
Dugang pa hine, kun mayda mangangaro hin bulig ha ngaran hiton simbahan in igverify anay kun tinuod ba nga kasuguanan ine han simbahan o bilngon an pirma han ira kura-paruko or Parish priest.
