TACLOBAN CITY– Gin-aghat hiton Simbahang Katolika an publiko, nga mamalandong yana nga Semana Santa, ngan dumdomon an pagsakit ni Hesu-Kristo ha krus han kalbaryo.
Sumala kan Fr. Chris Arthur Militante,Social Media Coordinator Archdiocese of Palo, ine an panahon nga bumalik ha presenysa han Ginoo, ngan magnilay-nilay ha mga sala nga nabuhat.
Dugang pa ni Fr. Militante, himuon ine pinaagi hiton pag-ampo, pagsakripisyo, ngan pagpuasa, ngan bayaan na an pagkinabuhi nga makasasala.
Gintagan duon hine, nga importante an pagbasol, ngan pagtalikod ha mga kasaypanan tungod ine an rason kun kay-anu nagsakit, ngan namatay ha krus hi Hesu-Kristo agud nga tubuson an bug-os nga katilingban tikang han ira mga sala.
Ginpaangbit gihapon hine, nga an pagraysanga kan Hesus ha krus in human na, pero ginrerespeto naman hine adton may mga panata partikular na adton nagpaparaysang ha krus, nga maghirot ha kadelikaduhan nga posible magin resulta hine, mas makaka-upay nga mag-andam hin mga pre-cautionary mesures agud nga dire an mga ine mahingadto ha kadelikaduhan.
