TACLOBAN CITY– Ginbulkas na an shellfish ban ha Cancabato Bay han Tacloban City, ngan Villareal Bay ha Samar, samtang nagpapabilin nagpapabilin naman ha shellfish ban an 7 nga mga baybayon ha rehiyon ngan an mga ine an masunod; Daram Island Samar, Zumarraga Island Samar, Cambatutay Bay, Tarangnan Samar, Matarinao Bay Samar nga sakop an (General MacArthur, Quinapondan, Hernani, ngan Salcedo), Irong-Irong Bay-Catbalogan City, ngan Maqueda Bay Samar nga sakop an (Jiabong, Motiong, Paranas, San Sebastian, Calbiga, Pinabacdao, Hinabangan).
Sumala kan Information Officer , Bureau of Fisheries and Aquatic Resources Vlll, Christine Gresola, nga padayon an ira pahinumdom ha publiko nga likayan la anay nga manguha, pagkaon, ngan pagbaligya han bisan anu nga klase han pangtion ha mga baybayon nga ada ha ilarom han Local Red Tide warning.
Dugang hine, pananglitan naman nga mahibaruan nga tumalapas an usa nga indibidwal ha shellfish ban in mayda kakatubangon nga penlidad kun diin dire maubos ha unom ka bulan nga kapresuhan.
Samtang, nagpapabilin la gihapon nga ada ha Red Tide warning an pira pa nga mga lugar sugad han masunod; Coastal Waters han Biliran Island, Coastal Waters han Calbayog Samar, ngan Coastal Waters han Leyte-Leyte.
Utro naman nga nagpahinumdom an nasabi nga tagapagyakan, nga ha nasabi nga mga kabaybayunan, pwede nga kaunon an, isda, nu-os, pasayan, ngan masag, kinahanglan la nga hugasan ine hin maupay ugsa nga lutuon.
