TACLOBACN CITY- Patay an usa nga estudyante mahuman nga magpusil han iya kalugaringon ha Barangay Soro-Soro, Maasin City.
Ginkilala an biktima kan Vince Lloyd Labastida, 18 anyos an pangidaron, Grade 11 student ngan residente ha mao nga barangay. Sumala kan PLTCOL. Juanito Bajar Jr. Chief of Police Maasin Municipal Police Station, nga nakarigo na ha iya kalugaringon nga dugo an biktima han umabot an mga otoridad.
Subay ha inisyal nga imbestigasyon nga susuguon unta an biktima pagpalit hin pansahog ha ira lulutuon pero in nahipausa nala an kag-anak nga waray man may nabaton ngan naka-kandado gihapon an kwarto han biktima. Dugang pa ha imbestigasyon nga nagpakamatay an biktima gamit an 45 nga pistola han iya tatay. Nag-angkon naman hin inig-an ha dughan nga parte an biktima.
Mababaruan nga an tatay han biktima in anay usa nga retired Philippine Army. Narekober ha imbestigasyon an usa nga suicidal notes ngan sugadman mga drawing ha bondpaper kalakip na an 45 nga pusil. Ginhihingita naman nga rason han mga otoridad kun kay anu nagpakamatay an biktima matungod nga naagi ine hin depresyon. Waray naman may nakikit-an nga foul play an mga otoridad ha mao nga panhitabo.
