NATIONAL– Abri hi Sen. Imee Marcos ha posibilidad han Senate Presidency ha 20th Congress.
Ini in kun hiya an pilion han iya mga kaurupdan ha Senado nga magin sunod nga lider han mga ini.
Sugadman, ginklaro ni Sen. Marcos nga dire niya ginhuhuna-huna an kumpetisyon para ha pagka-Senate President ngan may pira nga senador nga karuyag hiya ibala para makig-tugbang kan Speaker Martin Romualdez.
Ginpakianhan gihapon an senadora kun may nakaistorya na ha iya agud suportaran hiya para ha Senate leadership, baton naman ni Sen Imee, nga nagte-text hiya ha mga senador pero kumo usa nga chismosa ngan dire agud mangampanya ha ira kalugaringon.
Ha pagkayana, namamati la hiya ha mga ginyayakan han mga senador ngan an karuyag niya nga magin senate president in an may solido nga plataporma ngan akos panindugan an integridad han institusyon.
