TACLOBAN CITY- Dako na an pagbabag-o han seguridad mahuman nga matabo an sunod-sunod nga bombing ha Simbahan ngan mga hotel ha nasod Sri Lanka.
Sumala kan Khyre Neil Delos Santos, usa nga taga Brgy.Guian II Palompon,Leyte nga nagtratrabaho kumo seaman, nga an ira barko nga ginsasakyan in eksakto la nadunggo ha Colombo port main road han matabo an insidente han panbobomba.
Dugang hine nga waray daw hira dayon palusara upod an mga pasaheros tungod nga pira lakametros an kahirayo han port area tikang ha St.Anthony’s Shrine kun diin usa ine ha mga lugar nga ginbombahan.
Samtang ginpagbawal anay han Sri Lankan Police an mga Amerikano nga busag matungod nga hira daw an mga target han mga terorista nga gintotoohan nira nga miyembro han ISIS.
Sumala naman han iya upod nga Sri Lankan national nga usa daw nga burod nga miyembro han muslim-ISIS an sumulod ha simbahan ha kaburubutngaan han misa kun diin dara hine an bomba nga dayon ginpabuto ha iya lawas.
