TACLOBAN CITY – Gin pahibaro ni Department of Public Works and Highways Region 8 Director, Edgar Tabacon, nga nagpadara hira kopya para ha 2nd opinion tikang ha Japan International Cooperation Agency (JICA), usa nga japanese company para ha resulta han imbestigasyon ni Lazaro ha sitwasyon nga gin kakaatubang yana han San Juanico Bridge.
Sumala pa hine, naglalaum hira nga maghahatag hin opinyon ngan technical evaluation an JICA kabahin ha gin kakaatubang nga problema han nasabi nga tulay.
Dugang pa hini, han nakalabay nga 2018, gin rekomenda han JICA nga balyuan an volts han nasabi nga tulay kun diin durante han pagbalyo han mga volts in waray makit-an han JICA nga may-ada na ngay-an problema an tulay.
Han mahisabtan han nasabi nga ahensya nga may-ada na problema an tulay, in dayon an mga ine nga kumuha hin mga sarakyan ngan ekipahe nga pwede magamit pagkita han ilarom nga parte han tulay agud mahibaruan an problema
Nakatalaan naman nga pumalit hin mga makabag-o nga ekipahe an DPWH agud mas mapadagmit an panginano han tulay ngan pagkita kun may-ada hini problema.
Dugang pa ni RD Tabacon, usa ha nakakaiha han paghingayad han tulay in an kakulangan hin pondo nga kun diin, sumala pa hine, dire hihimuon han kontractor an nasabi nga proyekto kun waray pondo nga nakaalutaga hine. (via Bombo Niña Magpili)
