Umapela an Philippine Movement for Climate Justice (PMCJ) ha gobyerno nga magdeklara hin national climate emergency kadungan han nagtitikaduro nga epekto han katsirak.
Sumala kan PMCJ senior campaign officer Laica Rayel, duro an danyos ha sektor han agrikultura mahitungod ha kakulangan hin tubig ngan hitaas nga gastos ha produksyon resulta han oil crisis.
Duon hini, dire suprisyente nga ayuda la an solusyon ngan kinahanglan hin mas haluag ngan panmaihaan nga baton kontra ha climate crisis.
Kaupod dinhi an pagpapatuman hin science-based climate action plans ngan pagbaya ha paggamit han fossil fuel.
Subay ha report han state weather bureau, maabot na ha 15 nga probinsya ha Luzon an nakaka-eksperyensya hin duro nga pagmamara. Igin pailarom na gihapon ha State of Calamity an mga probinsya han Isabela ngan Cagayan.
An panawagan in panuyo nga tagan hin duon nga an tinuod nga kalangpusan kontra ha climate crisi in nakadepende ha timprano ngan kolektibo nga paggios han gobyerno ngan mga residente.
