Aminado an Commission on Elections (Comelec) nga kikinahanglanon hin dugang nga pondo ha oras nga dire madayon an Barangay at Sangguniang Kabataan Elections yana nga Nobyembre 2.
Ha butnga la gihapon ini han suhestyon han pira nga ig-postpone la anay an piniliay mahitungod ha epekto han krisis ha Middle East.
Sumala kan Comelec Chairman George Erwin Garcia, bisan man kun 85% na hira nga andam in waray hira mahihimo kun Kongreso na an magdesisyon nga dire la anay igdayon an piniliay nga nakatalaan ha Nobyembre 2.
Ha kaluyo hini, utro daw hira nga maaro hin kadugangan nga pondo mahitungod ha mga gastuson sugad han panibag-o nga pagpaparehistro, dugang nga presinto, mga kagamitan, balota, ngan mga magturutdo nga magseserbi ha piniliay.
Aabuton daw hin kutob P3 bilyon an kikinahanglanon ha usa nga reset o pagde-delatar han BSKE.
