TACLOBAN CITY – Ginpangunahan ni Secretary Hans Leo Cacdac an programa nga Likhang Marino Business Plan Competition para ha mga seafarers nga OFW nga pagdudumaraon dinhe ha Tacloban City.
An nasabi nga programa han Department of Migrant Workers kasugbong an National Maritime Polytechnic para ha seafarers nga OFWs nga nagseserbisyo ha nasud agud nga bumulig nga maparibhong an ekonomiya han Pilipinas.
Ha ekslusibo nga pakikig-himangraw han Bombo Radyo Tacloban kan Secretary Cacdac han Department of Migrant Workers, ine in subay gihapon ha mandat ni Pangulong Ferdinand Marcos Jr., nga matagan hin pakabuhi an mga marino ha ira pag-uli.
Kalakip ha kompetisyon an paghahatag hin business plan, sugad han fish farming, nga kun diin umabot ha 200 an naki-usa nga marino ha bug-os nga nasud, ngan yana nga adlaw an pagdudumaraon nga awards night dinhe ha Tacloban.
Mababaruan nga una hine ginbisita anay ni Secretary Cacdac an Regional Office 8 ng National Maritime Polytechnic agud nga panginanuon an pasilidad.
