NATIONAL – Ginpapagbaton han Supreme Court (SC) an Senado ha mandamus petition nga iginsalawad han grupo ni anay Presidential Commission on Good Government special government counsel, Catalino Generillo Jr.
Igin salawad an nasabi nga petisyon agud hangyuon ha Korte Suprema nga manduhan an Senado nga tikangan an trial mahitungod nga dire gintutugot han Batakan Balaod nga ig delay ine, bisan paman kun naka-break an Senado.
Ha nagin kamanduhan han SC, ginmanduhan hine an Senado nga magpasa hin komento ha sulod han napulo kaadlaw hin waray extension.
Sumala kan SC spokesperson Camille Sue Mae Tinhg, dida han Pebrero 17 in na-raffle an nasabi nga petusyon ngan dayun ine nga nahiupod ha agenda han SC kakulop nga adlaw.
Syahan na nga nagdig-on hi Senate Pres. Francis Escudero nga waray mahitatabo nga impeachment trial samtang naka-break an Senado, butang nga gin kwestyon gihapon han iba nga mga legal luminaries ngan mga Kongresista.
