NATIONAL – Gin manduhan han Korte Suprema en banc an Kamara, Senado, ngan hi Executive Secretary Lucas Bersamin nga magsumite han ira mga komento ha sulod han 10 kaadlaw kasumpay ha petisyon nga nag-aakusa ha ira ha dire pagkakatugma han General Appropriations Act (GAA) ha Saligang Batas.
Subay ha nagin petisyon, nga igin salawad nira anay Executive Secretary Vic Rodriguez, Davao City 3rd District Rep. Isidro Ungab, ngan iba pa nga nagsalawad han petisyon, in waray sunda han bicameral committee an Republic Act No. 12116 para han Fiscal Year 2025 kun diin pagtalapas daw ine ha konstitusyon han Pilipinas.
Sumala ha mga petitioners, pakyas daw an balaod nga tagan hin mandatory allocation fund an PhilHealth, sugadman, an pagpahitaas daw han pondo hine in ada ha kamot na ni Presidente Ferdinand Marcos Jr, kun diin gintatagan daw hin sobra nga prayoridad an imprastraktura kumpara ha edukasyon.
Igin pahayag pa ha petisyon nga an report daw han bicameral conference committee ha budget in waray sulod nga item.
Samtang, ginmanduhan naman han Korte Suprema an mga respondent nga magsumite han ira komento ha sulod hin dire malahos ha napulo kaadlaw tikang han makarawat an abiso.
