METRO MANILA – Ginkumpirma han Bureau of Internal Revenue nga nagpasaka hira hin criminal complaint ha Department of Justice kontra kan anay Presidente Spokesperson Atty. Harry Roque, asawa hini nga hi Mylah Roque ngan Percival Ortega.
Ini in may paghisumpay ha tax violations nga ginkakadabihan han Biancham Holdings and Trading, Inc.
Sumala ha BIR, nagawas ha ira imbestigasyon nga pakyas an respondents nga magsumite han tax returns ngan baydan an insakto nga buwis ha pagbalhin han shares of stock ngan ha increase ha authorized capital stock.
Maabot ha sobra P3.35 million an total estimated tax deficiency kaupod na an surcharge ngan interes.
Nakitaan hin probable cause han BIR agud pasakahan an tulo kaupod an mag-asawa nga Roque hin willfull attempt to evade taxes ngan failure to file tax returns ha ilarum han National Internal Revenue Code of 1997 kun diin, aada ha half-million kutob P10 million an posible nga multa ha mga dabi han tax evation.
