THE HAGUE, NETHERLANDS – Ginlalauman nga utro nga pangingitaon han International Criminal Court an aplikasyon han mga biktima han madugo nga drug war nga naruruyag nga makiparte ha trial kontra kan anay Presidente Rodrigo Duterte.
Ini in kasunod han pagkumpirma han international tribunal ha kaso han anay presidente, pamaagi agud magpadayon na an trial.
Sumala ha ICC, igpapagawas hini an bag-o nga deadline para ha pagsusumite han mga kaanak han biktima han ira aplikasyon samtang aada ha trial stage na an kaso.
An mga aplikasyon nga waray makasulod ha scope o saklaw han mao nga kaso in isusumite ha Trial Chamber para ha panibag-o nga eksaminasyon.
Sugad man, nauna na nga ginklaro han korte nga dire hini karuyag signgon nga tetestigo an mga biktima ha nagpapadayon nga trial kontra han anay lider han Pilipinas.
