TACLOBAN CITY – Ginbasura han Sandigan bayan an kaso nga graft ala kontra han dati nga Capoocan Leyte Mayor nga hi Federico Carolino, Sr.
Nabaruan nga naghuman an 4 ka tuig ngan 7 kabulan nga Imbestigasyon tikang han reklmao nga ginpasaka kan Carolino.
Subay ha korte nga pakyas nga maisplikar han Prosekusyon tikang han kahilaba nga panahon bahin pagkakadabi han mao nga opisyal ngan duha pa tikang han ginpasaka nga kasoni Emeterio Tanala dida han September 2011.
Subay naman ha record nga ginpatikangan pa han Ombudsman’s Public Assistance and Corruption Prevention Office (PACPO) an mao nga kaso dida han 2012 pero nairekomenda ini dida han Disyembre han pareho nga tuig.
Pero dida la han 2014 nagmandu an Ombudsman ha mga respondendts nga magfile hin counter-affidavits.
Nabaruan nga nagkamay-ada hin Delay nga resolution han mao nga kaso.
Subay pa ha Korte nga nadismiss na an amo nga kaso mahitungod natalapas hini an Section 2, Rule 111 of the Rules of Court, o an Katungod han Akusado han paspas nga disposisyon pero waray maihatag ha iya.
Nabaruan nga nag-ugat an mao nga reklamo mahitungod han daw pagpalit ni Mayor Carolino hin 2 nga Mitsubihsi dump truck dida han 2008 nga daw waray umagi ha Bidding.
Labot la kan Carolino in ginbasura liwat an kaso kanda bids and awards committee members Pio Antonio Borrel, Macario Noel Gullemas, Letecia Morelos, ngan Jesalie Loteyro.
