SAN MIGUEL LEYTE–Ginmalatumat hiton alklade han San Miguel Leyte, nga waray hira plano nga igpailarom an iya nasasakupan ha State of Calamity ha kaluyo nga naka-abat hira hin pagbabaha, han nakalabay nga semana matungod han Bagyong Ada.
Sumala kan San Miguel Mayor Atty. Norman Sabdao, usa ha mga rason han dire pagpailarom ha state of calamity, in matungod ha ira pagigin andam, ngan supresyente nga gahi kalakip na an dayon ngan abtik nga pagresponde ha mga naapektaran.
Dugang pa hini, dire pa kwalipikado an bungto nga igpailarom matungod nga dire ine sulod ha parametro hiton deklarasyon ha kada Municipal State of Calamity.
Manunumduman, nga han nakalabay nga semana nagpatuman hira hin force evacuation ha mga taga-San Miguelnon, matungod ha naabat nga pagbaha.
Mababaruan nga mayda 21 nga barangay an San Miguel, kun diin 7 dinhe an duro nga apektado han pagbabaha durot han waray wantas nga pag-inuran han nakalabay nga semana.
Ha pagkayana, nakag distribwer na hira hin mga pauna nga bulig, sugadman mga relief goods labi na ha mga apektado nga residente ngan presente nga aadto ha evacuation center.
