METRO MANILA – Ginsigurado han Malacañang nga sakto an suplay han gasolina ngan panguna nga mga papliton ha nasud ha luyo han pagsaka han presyo han lana tungod ha tensyon ha Middle East.
Sumala kan Palace Press Officer Usec. Claire Castro, nga ha pagkayana sumala ha DTI, in waray pa pagkiwa ha presyo han mga basic commodities ha NCR ngan ha iba pa nga mga rehiyon.
Dugang pa han Palasyo, nga an bisan ano nga diri normal nga pagsaka han presyo han mga pangunahon nga papliton ngan mga produkto han petrolyo in kinahanglan dayon igreport ha DTI ngan Department of Energy (DOE).
Nag-tikang na gihapon dida han nakalabay nga adlaw, an pagpatuman han tulo ka adlaw nga serye hin dugang-presyo ha mga produkto nga petrolyo han pira nga mga kompanya han lana.
Ha kaluyo hini, ginmalatumat bi Castro nga andam an gobyerno agud maibanan an epekto han tensyon ha Middle East ha Pilipinas.
