Gin kumpirma ni anay Department of Public Works and Highways (DPWH) Usec. Roberto Bernardo nga nagkamay-ada hin tulo nga cash deliveries kan anay Senator Ramon ‘Bong’ Revilla Jr.
Kasunod ini han iya pag-atubang ha Sandiganbayan Third Division para ha katapusan nga adlaw han hearning ha bail petition ni Revilla ngan mga igkasi akusado ha kaso nga malversation may paghisumpay ha P92.8 milyon nga ghost flood control projects ha Pandi, Bulacan.
Sumala kan Bernardo, personal niya nga gin-deliver ha balay ni Revilla an unom nga standard banker’s box ngan usa nga paper bag nga nagsusulod hin P125 million dida han Disyembre 2024.
Dugang pa, gin updan hiya hadto han iya driver nga hi Isko Dela Fuente.
Dida han Pebrero 2025, nagdul-ong naman an iya aide nga hi Niño Garcia hin 13 boxes nga nagsusulod hin P250 million.
Dida han Marso 2025, nagdara utro hi Bernardo hin P125 million nga nakabutang ha unom nga kahon.
Ha kabug-usan, ada ha P500 milyon an naidul-ong kan Revilla nga kickback.
