NATIONAL – Nagin malinampuson an panibag-o nga resupply mission ha BRP Sierra Madre ha Ayungin shoal.
Gindumara an rotation and resupply mission (RoRe) mission dida han Mayo 16 kaupod an Philippine Coast Guard (PCG). Dinhi, nagdul-ong hin mga pagkaon ngan supplies an crew members sakay ha MV Lapu-Lapu ha mga tropa naka-istasyon ha BRP Sierra Madre.
Subay ha Philippine Navy, waray nahipatik nga untoward incident, sanglit ine na an ika-walo nga sunod-sunod nga waray pagbalabag ha operasyon.
Sumala kan PN spokesperson for the West Philippine Sea Rear Admiral Roy Vincent Trinidad, nasipatan an ada ha upat nga barko han China Coast Guard ha lugar pero waray ine magbuhat hin bisan anuman nga agresibo nga aksyon.
Waray gihapon Chinese maritime militia vessels nga nasipatan ha bisinidad han Ayungin shoal.
Iginpunto naman han opisyal nga dire kinahanglan han Pilipinas nga mangaro hin permiso tikang ha hin-o man nga langyawanon partikular na ha usa nga nanginginlabot ha exclusive economic zone han Pilipinas sanglit igpapadayon daw han pagdudumara hin resupply mission.
