Iginduduso ni Bohol 3rd District Rep. Kristine Alexie Tutor nga temporaryo nga suspendihon tikang katapusan nga semana han Marso kutob Hunyo an terminal ngan cargo fees ha mga paluparan ngan pantalan ha bug-os nga nasud.
Panawagan ini ni Tutor ha Department of Transportation (DOTr), Civil Aviation Authority of the Philippines (CAAP), Manila International Airport Authority (MIAA), ngan Philippine Ports Authority (PPA).
An hangyo ni Tutor in nakasulod ha iginsalawad hini nga House Resolution 907 ha atubangan han ginkakaatubang nga pankalibutan nga krisis ha lana.
Panuyo han suhestyon ni Tutor nga mabuligan an sektor han turimso agud maibanan an gastos han mga biyaheros labi na han mga turista.
Duon pa ni Tutor, an suspensyon ha terminal fees in makakabulig gihapon ha pagbiyahe han mga produkto para ha magkadiru-dilain nga negosyo sanglit dako nga butang ini para ha presyo han retail ngan wholesale goods.
