NATIONAL – Humamubo an reserba nga dolyar han Pilipinas ha paghuhuman han bulan han Marso 2025.
Basar ha preliminary data han Bangko Sentral ng Pilipinas (BSP), nagawas nga an gross international reserves (GIR) in humamubo ha 106.2 bilyones dolyares tikang ha 107.4 bilyones dolyares nga nahipatik han nakalabay nga Pebrero han yana nga tuig.
An GIR in nagtutudlok ha mga foreign assets han gobyerno o an kontrol han BSP, nga ka-urugan in kumo foreign investments, gold, ngan foreign exchange.
Ha kaluyo han nasabi nga paghamubo, iginpahayag han BSP nga an bag-o nga GIR in nagpapakita hin mas dako nga external liquidity buffer nga katugbang han 7.3 ka-bulan nga kanitdad hin good imports, ngan pagbabayad han mga serbisyo ngan primary income.
Lakip dinhi an 3.7 ka-beses nga short-term external debt han nasod nga base ha residual maturity.
Pero ha kaluyo hini, nakikit-an naman nga masadang an GIR kun babaydan hini an tulo ka-bulan nga kantidad han imports han goods han ansod ngan mabaydan an mga serbisyo ngan primary income.
