Natuod hi Bukidnon Rep. Jonathan Keith Flores, nga an dire pag-atender ha pagdungog han House Committee on Justice ha kaluyo han higayon nga iginhatag in kaparehas han pagbaliwaray o “waiver” ha katungod nga bumatoan ha mga alegasyon han impeachment.
Ini in kasumpay ha istoryahon han due process ha impeachment proceedings kontra kan Vice President Sara Duterte.
Pag-eksplikar han magbabalaod, an esensiya an due process in an paghahatag hin higayon nga mapamatian (opportunity to be heard) ngan dire nakadepende kun gagamiton ba ini han respondent o dire.
Gin klaro gihapon ni Flores nga an pag-iisyu hin subpoena in dire agud piriton an kampo han Bise Presidente, kundi agud makakuha hin importante nga impormasyon tikang ha mga indibidwal nga makakabulig ha kaso.
Kaupod ha mga ginparad-an han subpoena in hi Atty. Michael Poa ngan pira nga opisyal tikang ha Commission on Audit (COA) mahuman igsuhestyon han mga membreo han komite, kaupod hi Congressman Antonio Tinio, nga kinahanglan an ira testimonya para ha gindudumara nga panginano ha reklamo.
Ha kaluyo hini, padayon nga ginki-kwestyon han kampo ni Duterte an legalidad han proseso ha gawas han komite samtang ginpili nira nga dire umantender ha mga nakalabay nga pagdungog.
