TACLOBAN CITY -Umabot ha purluminos P3M an kantidad nga ginbayaan nga danyos ni Bagyong Tino, basar ine ha pinaka-urhi nga pagmonitor han Department of Agriculture VIII.
Sumala kan Rodel Macapañas, OIC Regional Director han DA Regional Office VIII, an nasabi nga kantidad in dire pa kabug-usan nga danyos ha agrikultura matungod nga waray pa hine an danyos nga ginbayaan ni bagyong Uwan.
Dugang pa ni Macapañas, ine nga kantidad in hamubo matungod nga nakag-harvest na hiton mga humay an mga parag-uma ugsa paman umigo hi bagyong Tino.
Kalakip nga nakabulig an pagbandilyo hiton mga local nga pangobyernuhan ha mga ine nga atimanan ngan mangandaman ha oras hiton kalamidad.
Subay naman ha ira nagin monitoring, pira ha mga naapektaran an Abuyog, Mahaplag, ngan Baybay City, kalakip na an Southern Leyte, Silago ngan St. Berndard.
Samtang, apektado naman an poultry industry ha Silago, labi na an native chicken, kun diin ha pagkayana nag-aro a ine hin bulig agud nga matagan ine hin bulig ha dagmit nga panahon.
Samtang, nagpapadayon pa an ira ginhihimo nga monitoring ngan assestment para ha danyos nga ginbayaan nga bagyong Uwan.
