TACLOBAN CITY – Patay an usa nga pulis mahuman nga panmumusilon ha parte han Brgy. Arado Palo, Leyte ha kaburubutngaan han duro nga pag-inuran tikang pa han nakalabay nga mga adlaw durot han malain nga panahon.
Ginkilala an biktima nga hi Pol. Master Sgt. Jay Paul Culas, aada ha sakto nga pangidaron ngan residente han St. Scholastica, Palo, Leyte.
Sumala kan Pol. Maj. Aldo Mendiola, hepe han Palo Municipal Police Station, nga subay ha ira inisyal nga imbestigasyon nga byahe pakadto ha Sta. Fe, Leyte an mao nga biktima sakay han single hini nga motorsiklo han tigda nala ini panmumusilon han wara pa kakilal-i nga mga suspetsado.
Dayon naman nga naawatan hin kinabuhi an biktima durot han mga na-angkon nga mga igo han bala han pusil ha lawas.
Hapagkayana in padayon pa an gindudumara nga imbestigasyon han mga kapulisan agud nga matudlok an nagpapaluyo han mao nga panhitabo.
