Umapela an Department of Energy (DOE) ha publiko nga igpahibaro ha ira an mga kaduda-duda nga insidente han hoarding o pan-iipit han suplay han produkto nga nga petrolyo.
Kasunod na gihapon ini han mga report nga posible nagkakamay-ada na hin hoarding ngan profiteering ha pamaligya han petroleum products mahitungod ha nagpapadayon nga kasamok ha Middle East nga nakakaapekto ha suplay han lana ha nasud.
Subay ha DOE, in kaso makakita hira hin mga nagho-hoard hin suplay in ig report ini ha ira Oil Industry Management Bureau, Consumer Welfare and Promotion Office and Field Offices.
Pwede gihapon ig report pinaagi han government hotline nga 8888 o telephone number nga 8840-2267, an mga kumpanya han lana nga dire magbabaligya ngan an mga magmamanipula han presyo han petrolyo.
Syahan hini, nakakarawat an DOE ha ira field offices ha Luzon ngan Mindanao hin initial report ngan mga ebidensya nga mayda iregularidad ha fuel supply ngan retail practices.
Ha ilarom han Republic Act (RA) No. 7581 han Price Act, an hoarding ngan profiteeing han presyo han lana in usa nga ilegal nga pagmanipula ngan mayda kaangayan nga multa ngan pagkakapreso.
